吉克曲依(ꐙꈌꐎꑳ）：ꈎꏅꏮꁦꏁꄮꇬ
彝文释意：年复一年，又是金秋的时候。不知不觉中，童年时候的欢乐趣事直涌我心头，还有母亲那一次又一次的教诲，也在耳边回响。金秋的时候，彝家山寨为了欢度彝历新年而忙碌。
꒔
ꃅꈎꃅꆪꆹ
ꑋꅐꍵꃹꑱꍹꑱꀱꏍꃅꏍ
꒔ꈓꈭꏝꌕꉐꃘꊰꑍ
ꍴꈍꁎꄮꍴꈍꁏꇬꎷ
ꌩꏾꏁꄮꌩꏾ꒰ꇬꎷ
ꈎꏅꏮꁦꏁꄮꇬ
ꉌꂵꎺꏣ
ꉗꈌꁧꇇꏦꏪꇓꂃꄓꃅꄓ
ꑍ
ꌤꃅꆿꃅꇵꅐꇵꂷꅧꇗꀕꄮꇬ
ꑬꆏꄹꉇꆿꅝꅉꇬꆿꒉꏄꄮꇬ
ꉌꌒꎧꅝꎧꈈꍔꌺꁯꆮꃯꄮꇬ
ꉌꇿꑵ꒿ꀕꃚꑵꃚꇕꈭꀕꄮꇬ
ꈎꏅꏮꁦꏁꄮꉌꂵꃹꄷꆏ
ꉌꂵꈐꏭꎿꒉꒊ꒜ꒈꂃꒊꆱꄓꇬꎷ
ꌕ
ꃅꈎꃅꆪꋌꑵ
ꈢꋒꁧꊁꀱꇁꉆꑵꉫꉬꂯ
ꀊꄶꈎꏅꏮꁦꏁꄮꇬ
ꀊꉘꄭꐰꆳꈹꃅꀕꋩꈧꌠ
ꈍꄮꈁꉬꀕ
ꎺꇊꐝꍠꀕꇬꎷ
ꇖ
ꈎꏅꏮꁦꏁꄮꇬ
ꈯꌩꈯꇓꏾꅑꏾ꒰ꆴꅉꊯꅉꃅ
ꌕꄅꇖꄅꑭꁧꌟꃅꁧ
ꀉꂿ꒿ꅇꂘꅇꈧꌠꑌ
ꌕꄅꇖꄅꀕꄉꉌꂵꈐꏭꃹ
ꀊꄶꁧꐙꁦꄅꄕꅉꇬ
ꁍꁈꁮꅉꀊꄶꁧꑴꌦ
ꁍ꒜ꇇꊂꀊꄶꀿꑴꌦ
ꇤꈐꇢꇑꀊꄶꋥꑴꌦ
ꆀꃅꐤꑌꀱꇁ
ꉷꈢꐤꑌꀱꇁ
ꀰꇊꁧꐙꁦꄅꄕꅉꉜꄉꇁ
ꀉꂿꈍꑋꃢꃅꉉꋺꇮꀋꐚ
ꉬ
ꉠꒌꉡꐊꀕꀋꐚ
ꑟꐎꇇꌭꏿꄉꀋꇁꇂ
ꁧꐙꁦꄅꄕꅉꉜꄉꀋꇁꇂ
ꉠꆠꉡꐊꀕꀋꐚ
ꑱꐎꄯꁯꄙꄉꀋꇁꇂ
ꁧꐙꁦꄅꄕꅉꉜꄉꀋꇁꇂ
ꌩꃴꐤꑌꇁ
ꃪꃹꀀꑌꇁ
ꊗꁵꁴꇬꐤꑌꇁ
ꉴꇙꀕꇬꐤꑌꇁ
ꁧꐙꁦꄅꄕꅉꉜꄉꇁ
ꃘ
ꈎꏅꏮꁦꏁꄮꇬ
ꃅꇐꃅꄡꈢꋒꁧꌠ
ꈍꑋꎺꇁꈧꊰꀕꀋꐚ
ꉌꇿꉌꌒꌠꆏ
ꑳꉎꁧꐙꌟꃅꁦꆹꎴꎻꑟ
ꉌꐒꉌꎭꌠꆏ
ꁦꀑꏾ꒰ꌟꃅꆴꅉꁦꅉꃅꎻꑟ
ꏃ
ꈎꏅꏮꁦꏁꄮꇬ
ꏅꊭꏅꄐꀿꐊꌺꐊꋧꌠꌒ
ꑱꈐꇤꑭ꒜ꐊꅪꐊꋧꄉꎔ
ꉆ
ꀒ，ꈎꏅꏮꁦ꒰ꀐ
ꀎꈓꈎꏅꊾꇬꋬꂻꏅ
ꋬꂻꈨꅪꀿꇁ꒜ꐯꌺꇖꏮꏑꏿꎂꀕ
ꊂꈎꀕꏅꑌꑿꀻꎆꆿꍯꂷꌵꏅ
ꑌꑿꀻꎆꆿꍯꂷꌵꂶꈯꂷꅑꀭꇗꀕꎂꀕ
ꁱꊿꀑꐱꃆꂮ：ꐙꈌꐎꑳ，ꆺꃅꏪꐦꊾꒆꌺ，ꀘꀋꌠꆿꋒꊂꋊ。ꂴꊁꃅꁱꇐꀉꑌꈨꁱꌊ《ꊿꋅ》、《ꀊꉘꌠꏀꁱ꒜》、《ꆃꎭꉜꇐꁱꀕ》ꋋꈨꇬꄀꋺ，ꁱꌊ“ꌧꍧꆀ꒿ꅇꁊ”、“ꍏꇩꆀ꒿”ꌊꆀꀉꁁꑠꇬꑌꄀꋺ。ꁱꇐꄹꁆꆏꌋꌊ《ꍏꇩꆈꌠꀋꃅꋋꄮꆀ꒿ꀕꇐꉻꏑꄉꌠ》、《ꃅꋊꃨꀕꅿꉗꄙꈎꌒ》ꄷꁱꇐꌋꏑꄉꋋꈨꇬꇱꄉ。ꈁꁠꆏ“ꃅꋊꀊꏀꋊꌠꄞꅐꊿ”ꌊꆀꀉꁁꑠꀉꑌꐘꊌꋺ。
